قصه ترکی

شنگول- شؤنگؤل – منگول

شنگولوم منگولون آدیندا بیر تورکو ناغیل: داستان ترکی ( شنگول منگول )

بیری وارمیش بیر ی یوخوموش،بیر کئچی وارمیش.بو کئچنین گوزنون آغی- قاراسی اوچ بالاسی وارمیش.چپیشلرین بیرنین آدی شنگول،بیرنین آدی شؤنگؤل بیرینینده آدی منگول ایمیش.کئچی گئدیب هرگون مئشده اوتارارمیش.گئجه قایدیب دا بالالارینا آغیزیندا سو،بوینوزوندا اوت ،ممه لرینده سود گتیره رمیش.بوجور قایدیب قاپی دوورمیش.شنگول آتیلا-آتیلا قاپییا یاخینلاشیب سوروشارمیش

– شنگولوم،شؤنگؤلوم،منگولوم قاپینی آچین من گلدیم،آغیزیمدا سو ،بوینوزومدا اوت،ممه مده سود گتیرمیشم.

شنگول،شؤنگؤل ،منگول سئوینه –سئوینه قاپینی آچارمیشلار،کئچی ایچری گیریب اونلارا سویونی،سودونی،اوتونی وئریب یئدیریب ایچیردیکدن سونرا یاتیرداردی.سونرا دئیردی کی :بالالاریم احتیاتلی اولون،هر کیم قاپی دوووب منیم دئدیگیم سوزلری دئمسه آچمایین.چپیشلرده دئیردیلر کی:

– سن آرخایین اول هیچ کیمه قاپی آچماروق.

بیر گون بیرآج قورد اورالاردا تاپلیب کئچنین بالالارین یئمک اوچون فرصت آختاریردی.بیر گون قورد گلیب کئچی ائوده اولمایان چاغ قاپینی دویدی .شنگول،شؤنگؤل ،منگول دینقیلدیه-دینقیلدیا قاپیا ساری گئدیب دئدیلر:
– قاپی دوین کیمدیر؟
قورد کئچنین دئدیکلرین بیلمیردی و دئدی:- آچین بالالاریم منم آنانیز!
چپیشلر آنالاری اولمادیگینی آنلاییب قاپینی آچمادیلارو قاچیب گیزلندیلر.قورد گوردی کئچی گلیر ،قاچیب بیر بوجاقدا گیزلندی. کئچی قاپینی دویوب دئدی: بالالاریم آچین منم ،اغیزیمدا سو بوینوزومدا اوت ،ممه لریمده سود گتیرمیشم.شنگول،شؤنگؤل ،منگول آتیلا-آتیلا گلیب قاپینی آچدیلار.کچئی ایچری گیریب هر زمانی کیمی بالالارینا سو، سود،اوت وئریب سونرا بالالار قاپینی چالماسینی آنالاینا دئدیلر.کئچی دئدیگی سوزلری قورد ائشدیب اوردان اوزاقلاشدی.
صاباحیسی گون کئچی گئتدیکدن سونرا قورد گلیب قاپینی دویدی:
– بالالاریم آچین منم آنانیز،آغیزیمدا سو،بوینوزومدا اوت،ممه لریمده سود گتیرمیشم!
شنگول،شؤنگؤل ،منگول گلیب قاپینی آچدیلار ؛بیردن قورد آتیلیب منگولی توتوب همان یئدی.شنگول،شؤنگؤل قاچیب گیزلندیلروآغلاماقا باشلادیلار.آخشام اولوب آنالاری گلیب نه قدر قاپینی دویوب نه قدر اوخودی قاپینی آچان اولمادی.کئچی دال-دالی گئدیب بوینوزلاریلا قاپینی آچدیب ایچری گیردی.
شنگول ،شؤنگؤل آنالارین گوروب سئویندیلر و آنالاری سوروشدی :- بس منگول هانی؟ چپیشلر باشلادیلار آغلاماقا و اولان ایشی آنلارارینا دئدیلر.آنا کئچی هیرسلنیب دئدی کی:
– یاخشی قوردونکی منده قالسین.سیز قاپینی باغلاییب هیچ کیمه قاپینی آچمایین.
کئچی یولا دوشوب آز گئتدی،اوز گئتدی ؛دره تپه دوز گئتدی ؛آخیربیر دمیرچی دوکانینا یئتیشیب دئدی:
– دمیرچی قارداش منیم بوینوزلارمی قیلیچ کیمی ، اوجلارینی سونگی(نیزه) کیمی ائله.
– دمیرچی ده دئدی :آ کئچی سن منه نه وئرجکسن؟
– كئچی دئدی : بیر قازان قایماق بیر قازان سود!
دمیرچی راضی اولوب کئچنین بوینوزلارین قیلج کیمی اوجلارینی سونگی کیمی ایتی ائلدی.کئچیده اونون قایماقین ،سودون وئریب دوز گلدی قوردون ائوینی دامینا چخیب ایاقلارین باشلادی داما وئرماقا .قورد بیر قازان آش قویموشیدی.اوجاق اوسته پیشیریردی.اوندا کی کئچی آیاقلارین دامنما یئره ووروردی قوردون آشینا توپراق توکولوب قورد حیرسلنیب دئدی:
– ائویمی ییخان کیمدیر؟آشیما توپراق توکن کیمدیر؟
کئچی جواب وئریب دئدی :
– هم سولطان ام هم پاشا ، بونوزوم قوشا قوشا ، بالالاریمی سن یئمیسن ایندی بویور ساواشا کئچی دالی گئدیب،ائله بوینوزیله ووردی قوردون قارنینا کی ایكی قاریج قوردون قارنینا ایشلدی.قورد برکدن اولاییب ،یئره دوشوب ،کئچی همان یئرده قوردون قارنین دئشیب منگولونی ائشیگه چیخارتدی. قورد اولویا اولویا دئدی: – وای قارنیم!وای قارنیم! کئچیده دئدی :- بالالاریمی یئینده وای قارنیم دئمیردین! کئچی بالاسین گوتوروب سئوینه سئوین ائوینه گئتدی؛
– سیزلره ده تانری سئونج پایی وئرسین. ناغیلی ائشیدن ساغ ناغیلی دئیین سالامات.